港超聯 東方龍獅猛轟冠忠南區
20190216
東網電視
更多新聞短片
毋需登入，立即睇直播：
註冊成東網會員，有波睇又有「福利」：
今日「中銀人壽香港超級聯賽」尾場爆前列大戰，剛邀得新帥安祖史杜錫領軍的「3哥」東方龍獅，於主場香港大球場迎戰第4的冠忠南區。這位新帥豪言要踢出進取及銳利的足球，盼能全取3分，力追榜首富力R&F！（on.cc東網周日下午5時30分直播）
安祖史杜錫望展現進取風格
東方龍獅早前邀得前拉脫維亞國腳安祖史杜錫（Andrejs Štolcers）擔任技術總監和主教練，今仗「地標戰」亮相，他表示：「東方係一支好有實力嘅球隊，球員好渴望贏波，我嘅風格係進取、銳利同激烈，希望可以展示出嚟！」他又指球迷的支持很重要，期望「第12人」能為球員大聲吶喊助威。
東方龍獅教練黃鎮宇認為今場關鍵在於攻守轉換：「當我哋由守轉攻嘅時候，點樣好快去組織一個射門係好關鍵。」對手有高美斯復出，「黃Sir」認為：「我哋要好小心高美斯嘅射波，無論佢喺咩位置都好有射波意欲。就算佢開角球，我都覺得佢係想射波，唔可以畀佢太多有空間。」東方龍獅目前有曾錦濤、姚浩明及洛迪古斯等傷兵，幸而傷愈的徐德帥有望上陣。
鄭兆聰：今場波會好難踢
冠忠南區暫以1分落後東方龍獅，今仗只要贏波更能躍升上聯賽次席，「Ricky Sir」認為壓力在對手身上：「對手得番聯賽可以掙扎，反而我哋就平常心應對。我哋今季實力強咗，如果打得好可以企穩前列，不過佢哋轉咗教練，球員都想證明自己，今場波會好難踢！」射手高美斯上仗復出，迪亞高亦已傷愈，「Ricky Sir」透露兩人均準備就緒：「但我唔想喺訓練上催谷佢哋太多，寧願減低強度，等佢哋可以精神奕奕落場。」
毋需登入，立即睇直播：
註冊成東網會員，有波睇又有「福利」：