東網電視
更多新聞短片
（互聯網）
曼聯前鋒阿歷斯山齊士，已經加盟紅魔鬼13個月，但表現一直強差人意。剛於聯賽對李斯特城，以及歐聯對巴黎聖日耳門後備入替，A山都好似隱形人一樣，其中鬥PSG，更錄得零射門、零出波、零盤扭、零關鍵傳送嘅黐線數據，連領隊蘇斯克查賽後都話，佢做唔到啲咩可以幫A山。
但失望過後，蘇B就用金句為A山解圍：「所有球員都遇過低潮。但如果你係有料，始終都會復甦。大家都遇過茄汁塞於瓶頸，倒極都唔出；但一旦茄汁可以倒出來，就會瘋狂衝出。A山亦都係一樣，當佢終於取得重要入球嘅時候，入波就會陸續有來。我嚟到曼聯兩個月，A山有部份時間有傷在身，冇可能要佢即時回勇。但我可以肯定於季尾之前，A山可以有所表現。」
A山喺早前接受訪問，佢都話目前表現不似預期：「以我身價同級數，我知道依家就要有所表現，已經冇時間嘥，老實講真係感到擔心。」
支持本地運動員，一齊去「睇體」！
東網體育FB同你追實體壇每個精彩時刻！
