東網電視
更多新聞短片
(Getty Images)
西班牙多間傳媒及記者爆料，皇家馬德里在歐聯16強主場以1比4大敗於阿積士腳下，被淘汰出局，賽後皇馬更衣室發生激烈爭辯，其中皇馬主席皮里茲與隊長沙治奧拉莫斯爆發口角，互相指罵，最後拉莫斯氣憤稱：「你可以計埋啲人工畀我，我即刻走。」
沙治奧拉莫斯於16強首回合作客阿積士故意領黃牌，次回合停賽，更因其「洗牌」行為遭歐洲足協加罰停賽1場，當晚並無上陣，但球隊出局後就陪同隊友返入更衣室，結果出事。
皮里茲對於球隊大敗感到憤怒，在更衣室內向球員破口大罵，據西班牙記者轉述鬧得好盡，用到「唔投入」、「放假玩到癲晒」、甚至用「不知羞恥」等字眼，拉莫斯做慣大佬，不甘被老闆指住鬧，挺身反指皮里茲組軍失策，季初備戰計劃失敗，C朗離隊又唔買人等等。
當時兩人鬧到好僵，皮里茲當時話唔好再駁嘴，否則會將佢踢出球會，點知拉莫斯爆番轉頭，佢話：「我為胸前呢個隊徽，呢間球會，甚至為咗你，都全力以赴從未退縮，你可以計埋啲糧畀我，我即刻走。」當時全隊目擊情況，至於皮里茲會否立即安排拉莫斯離隊，就要再睇事態發展。
支持本地運動齊去「睇體」！
東網體育FB同你追實體壇每個精彩時刻！
Follow東網體育IG一齊撐本地運動員！
