歐霸冠軍賠率離奇暴跌　雷恩咩料呀？

法甲球會雷恩周五(8號)喺歐霸盃16強首回合，爆冷3比1擊敗英超勁旅阿仙奴，大有機會殺入8強。雖然戰果唔多唔少有啲意外，但有球迷就發現，足智彩歐霸冠軍賠率賽前有異動，雷恩由原本嘅250倍第2冷門，喺開波前幾個鐘離奇升溫至100倍，顯示賽前已「有人」深信雷恩將會闖過阿仙奴呢關，而且仲有機會奪冠添！雷恩贏埋3比1之後，足智彩歐霸盃冠軍賠率再次升溫至40倍(見表)，認真唔簡單！<br/><br/>雷恩依家喺法甲排第10位唔憂降班，今季餘下賽事會集中火力喺歐霸盃爭取佳績，事實上呢支法國球會陣中臥虎藏龍，前法國國腳賓艾化出晒名好波，今場射入第3球嘅塞內加爾翼鋒伊斯美拿沙亞，亦受到多間歐洲大球會垂青，阿仙奴正正就係其中一間有意提出收購嘅球隊，加上前鋒麥巴耶尼安都有一定實力，唔同雷恩真係有機？<br/><br/>歐霸冠軍賠率(足智彩)<br/>車路士 3.05倍<br/>拿玻里 3.15倍<br/>阿仙奴 8.75倍<br/>西維爾 10倍<br/>華倫西亞 10倍<br/>國際米蘭 11倍<br/>維拉利爾 20倍<br/>賓菲加 20倍<br/>法蘭克福 24倍<br/>雷恩 40倍<br/>薩格勒布戴拿模 45倍<br/>布拉格斯拉維亞 60倍<br/>薩爾斯堡 80倍<br/>卡斯洛達 200倍<br/>辛尼特 300倍<br/>基輔戴拿模 1000倍<br/><br/>東網體育FB同你追實體壇每個精彩時刻！<br/>http://bit.ly/2ecTF2A　<br/><br/>支持本地運動員，一齊去「睇體」！<br/>https://bit.ly/2DxX4XI　<br/>