點止黎明舒淇咁浪漫　仲有更多趣味

睇「香港棍網球公開賽2019」終極戰，請按東網APP頂部的直播ICON；<br/>或按以下直播Link：http://tv.on.cc/live　<br/><br/>大家仲記得21年前一部經典港產愛情電影《玻璃之城》嗎？男主角黎明入讀香港大學後，跑步見到正在打棍網球嘅女主角舒淇，一見鍾情，譜出一段可伸展多少世代仍在唱嘅戀曲。東網周一(22日)下午將直播「香港棍網球公開賽2019」兩場決賽，大家就可以感受呢項既浪漫又刺激嘅運動比賽。<br/><br/><br/>事實上，香港大學可以話係香港棍網球「發源地」，呢項運動於1963年由港大一名英籍教授引入，屬於舍堂主要球賽運動。相信好多「80後」就係從呢齣戲，首次見到棍網球，留下美好回憶，除咗浪漫之外，大家對呢項運動有幾多認識呢？<br/><br/>棍網球分為男、女、室外草地、室內，男子每隊10人，女子每隊12人，分前鋒、中場、後衞及龍門，每位球員配備一支名為Lacrosse Stick或Crosse嘅連網長棍，每場比賽限時1小時，近年香港興起7人棍網球。<br/><br/>男子棍網球有3種棍桿，包括長棍、短棍、守門員棍，分別由後衞、中場或前鋒及守門員配備，女子只有短棍及守門員棍兩種。<br/><br/>球員用「棍網」袋住個波來做出傳球、接球及運球，最終目標同足球一樣，就係將個波射入對方龍門。<br/><br/>棍網球亦有防守戰術，可以用支棍敲打對方嘅棍，阻止對手射門。當中男子賽事碰撞比較多，因而要配備較多保護裝備，包括必須要配戴頭盔、膊頭護墊、護臂及手套。而女子比賽，只須配戴牙膠，亦有球員選擇配戴眼罩和手套。<br/><br/>焦點賽程：<br/>男子組四強<br/>9:00AM 香港男子代表隊 VS Team JJ（香港）<br/>9:30AM Fogo Japan VS 北京棍網球<br/><br/>女子組四強<br/>8:00AM 慶應義塾大學2 VS 香港女子代表隊<br/>9:30AM 慶應義塾大學1 VS Fun（日本）<br/><br/>男子組決賽 4:30PM<br/>女子組決賽 3:00PM