東網電視
更多新聞短片
(Getty Images)
唔止足球睇波，仲有24小時滾動賠率，即時體驗：https://bit.ly/2UmNL0L
英超曼聯近期狀態衰到貼地，連同周中不敵同市宿敵曼城，搞到喺各項賽事近9場輸咗7場，家陣英超排名跌到落第6，落後第4位車路士3分，爭前4形勢不妙。不過，領隊蘇斯克查原來仲未死心，佢想喺周日主場砌低「車仔」，然後創造奇迹打入前4，攞到下屆歐聯參賽資格。
蘇斯克查話：「我哋周日雖然踢出更高質素，如果我哋贏到呢場，就只差兩場去實現目標。我哋當然想打入前四，老實講，我未為下季要星期四比賽(歐霸盃)做準備囉！依家我哋只需要肯定喺周日爭取所有機會。講真，幾個月前邊有人諗到，我哋打到最後3輪，只係差前四位3分喎！我依家工作，就係睇吓邊啲球員肯去為球會犧牲、搏盡爭勝。」
