东网电视
更多新闻短片
1/2
香港球迷今个暑假最期待节目，必定系今个月24号喺香港大球场上演嘅“赛马会杰志中心杯”，由杰志挑战英超盟主曼城！亚洲之旅系曼城季前集训重要一环，“蓝月亮”周四(11号)喺官方网站宣布，奇云迪布尼、史达宁、贝拿度施华、利莱辛尼、大卫施华同基尔获加6大球星，铁定会参加今之亚洲之行，其馀球员名单会喺星期六公布。
由于阿古路、加比尔捷西斯等啱啱踢完美洲国家杯嘅球星多数唔会随队，所以曼城就提早向球迷派“定心丸”，讲明其馀主力会悉数登场，其中德国翼锋利莱辛尼一直被传可能离队，佢嘅参与无疑系一大惊喜。另外，曼城今夏用7,000万欧元收购嘅西班牙中场洛迪卡斯简，已经随大军操练，《曼彻斯特晚报》指呢位猛将极可能会喺亚洲之行亮相。
曼城今年亚洲之旅行程紧密，嚟香港前先会飞南京同上海参加英超亚洲杯，24号斗杰志之后亦会转飞日本对横滨水手。英格兰国脚基尔获加表示期待今次访华：“中国球迷好可爱、好热情，佢哋好锺意英超。有机会去唔同国家体验唔同文化，同时为曼城吸纳更多球迷，将会系好好嘅经验。”
立即参加“赏您睇”：http://bit.ly/2JWKULh
Click下面粒掣，储on.cc coins！机票、家电、超市礼券、过万份奖品等紧你。
洛迪卡斯简(左2)已投入操练。(互联网)
