【官宣】德甲新球季9.18開鑼!有一項改革

2020年07月11日 19:01
東網電視
更多新聞短片
(Getty Images)
德甲啱啱收咧冇幾耐,德國足總話咁快又公布新一季開鑼日子,就係9月18日,並於2021年5月22日結束。至於德國盃比聯賽早一星期開始,而德超盃安排喺9月30日舉行。
由於新冠肺炎大爆發,令今季德甲延遲結束,連帶新一季聯賽都比以往遲超過1個月開鑼,德國足總為咗令賽事可以好似以往如期於明年5月收咧,所以來季歇冬期將會大幅縮短,由以前大約1個月,縮短至得番11日。屆時將於12月21日開始歇冬,明年1月2日重新開打。