羅拔仔的新歡：歐聯獎盃

足球博彩神器，每日重心提供盡在《彩報》：http://win.on.cc/football/　<br/><br/>歐聯決賽激戰過後，一覺醒來，與羅拔利雲度夫斯基同床共枕的，竟然係歐聯冠軍大耳盃！羅拔仔呢張「搞嘢」上載社交網，吸引過百萬點擊，事實上歐聯冠軍係佢夢寐以求嘅錦標，發夢都攬住嚟瞓都好應該。<br/><br/>歐聯獎盃除咗陪住羅拔仔一齊瞓，原來仲有其他用途，就係當做鐵甲頭盔。盧卡斯靴南迪斯將個大耳盃倒轉笠落個頭度，化身鋼鐵奇俠，睇落相當威猛。<br/><br/><br/><br/>奧地利中場阿拉巴有好多嘢想表達，今次趁住捧盃機會，就拎住歐聯獎盃，着住寫上標語嘅白色衫，喺世人面前盡情傾訴，講出自己心聲。<br/><br/><br/><br/>至於隊長兼門將紐亞，佢嘅戰利品並非獎盃，而係龍門個球網，見佢攞住把較剪將成個網剪落嚟打包拎走，好有紀念價值。<br/><br/><br/><br/>拜仁開心捧盃，另邊廂就見巴黎聖日門嘅尼馬，傷心含淚輕撫獎盃，呢隻盃佢效力巴塞時代已經捧過，但佢為咗獨當一面離開巴塞，希望嚟到聖日耳門再捧盃，可惜功虧一簣，認真慘情。<br/><br/>