东网电视
更多新闻短片
《串绩王》新登场，最强博彩盘路过关神器：http://win.on.cc/football/
巴塞隆拿踢西甲一条虫，踢欧联一条龙，喺周三(25日)凌晨欧联虽然收起球王美斯，但一样作客以4比0大胜基辅戴拿模，喺G组4战4胜，提早取得出线权，并以连续17届晋级16强，追平死敌皇马纪录。
巴塞今场以巴夫韦迪、法兰斯高查卡奥、柏迪、菲腊比古天奴负责进攻工作，除咗古天奴之外，另外3人平时都系大后备。不过，佢哋大踢争气波，巴夫韦迪更加梅开二度，另外2球来自达斯，以及后备上阵嘅基沙文，其中达斯更加以20岁零21日成为巴塞史上喺欧联最年轻入波嘅后卫。
29岁嘅丹麦国脚巴夫韦迪今年2月由雷加利斯加盟巴塞之后，大部份时间坐冷板，上季西甲只为巴塞入1球，今季联赛更加未开斋。估唔到佢今场欧联担正就入2球，难怪唔少网民认为，巴塞教练应该重用巴夫韦迪，好过用冇斗心嘅美斯同基沙文。
巴塞隆拿赢波之后，追平皇马连续17届晋级欧洲16强嘅纪录，但如果皇马今届取得出线权，仍然可以刷新纪录。
