犀利！加利卡希爾破最老入波紀錄

《英超刨績王》加強版，最強數據一網打盡：http://win.on.cc/football/　<br/><br/>周三(3日)凌晨英超2支下游球隊對決，水晶宮作客以2比1反勝紐卡素，取得寶貴3分，中堅加利卡希爾頂入奠定勝局嘅1球，並以35歲零45日成為水晶宮史上喺英超入波最大年紀嘅球員。<br/><br/>今場開波僅71秒，紐卡素就打開紀錄，哥林威爾遜頭槌頂後，舒維爾衝前喺禁區頂勁射破網，係佢今季首個英超入球。<br/><br/>水晶宮亦不甘示弱，踢到21分鐘，中場查洛列迪禾特趁對手解圍不遠，勁射入網，無論位置、力度、角度都同舒維爾嘅入球幾乎一樣。<br/><br/>4分鐘之後，水晶宮中場伊比爾治伊斯右路開出罰球，加利卡希爾迎頂入網，呢位老將自2017年4月之後，首次喺英超取得入球，證明自己寶刀未老。<br/><br/>水晶宮原本有機會再拉開紀錄，當時查洛列迪禾特左路傳中，安祖斯唐辛無人看管之下，竟然近門射出界，好彩無影響水晶宮全取3分。水晶宮取得2連勝，相反紐卡素近7場英超輸6場。