未踢先破財　阿仙奴要向賓菲加賠償

足球博彩神器，每日重心提供盡在《彩報》：http://win.on.cc/football/　<br/><br/>英超列強因為防疫禁令，嚟緊歐聯同歐霸盃各場賽事都要改場地，阿仙奴都唔例外，佢哋對賓菲加嘅32強淘汰賽都要改場地，但就未見官先打30大板，阿仙奴要向賓菲加賠償4.4萬鎊(約47萬港元)。<br/><br/>英國《每日郵報》報道，由於英國政府將葡萄牙列入防疫紅色名單，阿仙奴下周五(19日)凌晨作客賓菲加賽事，要改去中立場舉行，根據歐洲足協安排，賓菲加主場對阿仙奴嘅歐霸盃32強首回合賽事，改去意大利羅馬進行，根據歐洲足協章程，阿仙奴要將自己在歐霸盃所得嘅預計收入，當中10%賠償予賓菲加。<br/><br/>阿仙奴打入歐霸盃32強，預期可以得到44萬鎊收入，因此佢哋今次要先向賓菲加賠償4.4萬鎊。<br/><br/>至於2月26日凌晨嘅32強次回合，阿仙奴主場對賓菲加，阿仙奴同樣失去主場之利，賽事改去希臘雅典舉行。