神奇波膽　PSG連續3次贏迪安4比0

足球博彩神器，每日重心提供盡在《彩報》：http://win.on.cc/football/　

周日(28日)凌晨法甲，巴黎聖日耳門(PSG)雖然有多位主力受傷缺陣，但作客仍然以4比0大勝迪安，球星基利安麥巴比個人梅開二度，撐起球隊。值得一提，PSG近3次對迪安，都係贏4比0，唔知有冇球迷買中呢個9.5倍「神奇波膽」呢？

PSG主力包括尼馬、里安度柏利迪斯、迪馬利亞、祖安巴尼特、馬高華拉堤、費奧倫斯都因傷病缺陣，但整體實力仍然喺迪安之上，開波6分鐘就由摩斯堅恩射入打開紀錄。

其後迪安球員禁區內犯手球，被吹罰12碼，基利安麥巴比主射入網，換邊之後，呢位22歲法國國腳射成3比0。踢到比賽末段，PSG再由丹尼路佩尼拿頂入角球。

比賽過程之中，PSG仲有達斯拿2次入波，被吹越位，整定又係開出4比0波膽。雙方近6次聯賽交鋒，PSG有5次贏4比0，兩隊下次再碰面，大家識點做啦。