法國爆內訌！基奧特暗插麥巴比
20210610
東網電視
更多新聞短片
歐國盃未開波先嚟爆內訌，法國係今屆歐國盃嘅奪標大熱，但近日有消息指法國隊內有球員爭拗，基奧特日前喺接受訪問時話觸球次數唔多，其他隊友又唔幫佢，據《隊報》消息指基利安麥巴比對基奧特嘅言論極為不滿，仲話想為呢件事發聲明回應。
早前法國對保加利亞踢熱身賽，基奧特以後備上陣，佢賽後話自己不斷跑動，但無人畀波，仲要講句「我已做到最好嘅跑動，但要諗下去到禁區有咩方法。」基奧特嘅言論有人覺得是衝着麥巴比，而法國主帥為呢單嘢都想淡化處理，不斷解話，但基奧特仲要喺個人社交網再發文：「保持冷靜。你哋只要保持靜默，唔駛出聲。」
不過，基奧特嘅言論就令基利安麥巴比相當不滿，呢位PSG射手認為係攻擊佢，佢好想出席記者會或者出聲明反擊，睇嚟開波前佢哋先平息呢個風波，否則愈搞愈大，對佢哋爭取冠軍絕對唔係好事。
法國喺歐國盃被編同葡萄牙、德國及匈牙利同組，被譽為死亡之組，而法國首戰將喺下周二（16日）深夜對德國。