東網電視
更多新聞短片
足球博彩神器，每日重心提供盡在《彩報》：http://win.on.cc/football/
周二(19日)凌晨西甲，貝迪斯作客以1比0擊敗艾拉維斯，貝迪斯嘅40歲老將祖亞昆仍然有心有力，踢到89分鐘，仲可以喺邊路個人突破之後，傳中助攻保查艾利斯亞斯射入全場唯一入球，認真犀利。
雙方今場戰局陷入膠着，去到64分鐘，祖亞昆後備上陣，並成為主角。當時已經踢到89分鐘，眼見可能悶和收場，結果祖亞昆挺身而出，突然後上殺入禁區右路，利用個人速度擺脫對手，喺底線傳波入中路，由同樣係後備上陣嘅保查艾利斯亞斯射入。
祖亞昆亦成為本世紀第1位喺西甲取得助攻嘅40歲或以上球員，呢位西班牙名將年輕時以速度快、突破能力強見稱，估唔到佢40歲仲有呢種體力同速度，實在難能可貴。
