美斯為掛靴做準備　家鄉起大屋

足球博彩神器，每日重心提供盡在《彩報》：http://win.on.cc/football/　<br/><br/>阿根廷傳媒報道，美斯近日計劃喺家鄉羅薩里奧興建超級豪宅，係佢將來掛靴後嘅住所。<br/><br/>美斯已經34歲，雖然未知幾時掛靴，但都要有所準備，例如數年前有報道指佢喺美國邁亞密海邊購置豪宅物業，當時估計佢將會空降美職，為生涯晚期作規劃，至今次喺家鄉興建超級豪宅，相信就係佢真正掛靴後嘅居所。<br/><br/>報道指，美斯已於羅薩里奧豪宅地段購入地皮，將會興建一座當地最大嘅超級豪宅，該豪宅有25間房，一個可容納15輛車嘅地下車庫，屋內其中一層係遊戲室、家庭影院，仲有一個奧運標準嘅泳池。<br/><br/>保安方面，豪宅周圍會種植大樹，防止外人偷窺，備設最先進嘅保安系統，仲會有個訪客區，招待訪客之用；整個興建計劃預算為400萬美元，由美斯父親擔任監工。