識英雄重英雄　尼馬激讚「孫仔」係王牌

最強博彩盤路過關神器《串績王》：http://win.on.cc/football/　<br/><br/>周四(2日)晚國際熱身賽，巴西作客以5比1大勝南韓，雙方球星尼馬、孫興民交鋒備受矚目，「森巴」前鋒尼馬今仗射入2球12碼，賽後佢同「孫仔」交換球衣，仲將合照放上社交網，配上「crack」字，即係王牌嘅意思，似乎想講兩人都係頂級球員。<br/><br/>據悉孫興民曾經問過熱刺隊友艾馬遜，尼馬識唔識佢，呢位巴西後衞答：「梗係識啦，就好似你欣賞尼馬一樣，佢都一樣咁欣賞你。」經過今場比賽後，證明艾馬遜冇講大話，尼馬專登搵孫興民交換波衫合照，仲高調放上社交網「晒命」，可以話係識英雄重英雄。<br/><br/>值得一提，尼馬今仗梅開二度之後，佢為巴西上陣118場入73球，僅比巴西史上首席射手比利少4球，超越呢位球王指日可待。<br/><br/>至於今場比賽，巴西除咗尼馬射入2球12碼之外，3位英超兵李察利臣、菲臘比古天奴、加比爾捷西斯各入1球，南韓一度由黃義助入波，扳平1比1，但最終難逃大敗。