普巴接受「保守療法」　可趕及踢世界盃

最強博彩盤路過關神器《串績王》：http://win.on.cc/football/　<br/><br/>今夏由曼聯重投祖雲達斯嘅保羅普巴早前不幸受傷，一度傳出佢可以需要長抖4至5個月，無緣為法國出戰今屆世界盃決賽周。不過，意大利傳媒最新消息指呢位29歲中決定接受「保守療法」，只需要休息5星期，意味可以參加11月21日揭幕嘅世界盃。<br/><br/>此前報道指有2個治療方案供保羅普巴選擇，第一個係「保守療法」，切除半月板撕裂嘅部份，只需要休息5星期。另一個方案係縫合受傷位置，根治性比較徹底，但休養期長達4至5個月，普巴為咗踢世界盃，所以決定揀第一個方案。<br/><br/>意大利《米蘭體育報》指保羅普巴接受手術後，首3星期將會進行恢復性訓練，包括游泳及健身，之後再重返球場練波，預料保羅普巴最快有望9月尾復出，仲有充足時間操起狀態，迎接世界盃。