東網電視
更多新聞短片
(Getty Images)
最強博彩盤路過關神器《串績王》：http://win.on.cc/football/
曼聯新星加拿祖今季表現出色，會方計劃同呢位18歲阿根廷新星續約，但只係開出2萬鎊周薪，加拿祖認為太低，已經拒絕簽新約。有傳西甲豪門皇馬準備趁機以高薪利誘加拿祖上「艦」。
加拿祖現時周薪僅7,000鎊，屬於隊內第2低人工球員，只係高過5,500周薪嘅艾蘭加。曼聯向加拿祖開出2萬鎊周薪新約，雖然加幅非常大，但仍然係低薪一族，特別係連「文員」菲爾鍾斯都有7.5萬鎊周薪，曼聯今次出手的確太「孤寒」，難怪加拿祖唔滿意。
加拿祖今季曼聯上陣15次已射入2球及5次助攻，包括日前曼市打吡貢獻1次助攻，成為曼聯反勝曼城嘅功臣，可以話係當今球壇最耀眼新星之一，皇馬早已對加拿祖虎視眈眈，自然想趁機將佢收歸旗下。
加拿祖一向視C朗為偶像，相信亦樂意加盟「銀河艦隊」繼承對方衣缽，更何況加拿祖喺馬德里出世，轉投皇馬等於衣錦榮歸。因此，如果曼聯想留住呢位明日之星，相信要加碼，先至可以打動加拿祖續約。
