東網電視
更多新聞短片
最強博彩盤路過關神器《串績王》：http://win.on.cc/football/
德甲停咗兩個月終於返嚟喇，重開首戰即有重頭戲，「3哥」RB萊比錫力併拜仁慕尼黑。拜仁下半季最大分別，係長期一號門將紐亞重創缺陣，唔多唔少會影響防守，倒不如以攻代守，RB萊比錫今季聯賽主場不敗，以往亦唔怕同拜仁鬥攻，兩軍對戰經常有大手交易，3.5球入球大必捧。（周六凌晨3時30分開賽）
拜仁慕尼黑後防唔穩陣
創下聯賽10連霸嘅拜仁，現時領先次席弗賴堡4分，及今場對手RB萊比錫6分。但門將紐亞竟然喺度假滑雪期間，意外骨折要提早收咧，相信今季會冇咁輕鬆，早前熱身賽起用烏列治把關，喺一度落後1比3下，同薩爾斯堡踢成4成4，可見後防極不穩健。但拜仁勝在中前場力量足夠，利萊辛尼、祖普莫亭同基拿比都入到波，教練拿高士文大可以攻代守。
另邊廂，RB萊比錫備戰積極，早前踢過3場熱身賽，合共射入12球，今場有力同拜仁鬥攻，事實上兩軍對碰向來多交收，近5次交手有4次開5球或以上，今場肯定再次出現入球騷。
