真係唔識㗎喎!保利賽前預言成笑柄

新聞觀看次數:11.6k
香港時間
2023年04月13日(四) 11:03
東網電視
更多新聞短片
足球博彩神器,每日重心提供盡在《彩報》:http://win.on.cc/football/ 
車路士喺歐聯8強首回合0比2不敵皇家馬德里,輸波結果係唔少球迷預料之內,不過車路士班主保利喺開波前,公開「預測」車仔可以大勝3比0,結果淪為網民笑柄。
車路士作客皇馬前,班主保利喺馬德里出席一個高層飯局,離開嗰陣被《天空體育》捕獲進行直播訪問,佢被要求預測呢場波嘅結果,保利就話:「車路士會贏波...3比0。我好有信心,今晚我哋會贏3比0。我哋視車路士為一個非常長遠嘅計劃,有好多工作要做,我哋對球會嘅未來非常興奮,車路士會有光明嘅未來。」
被皇馬2比0擊倒後,保利嘅言論即成為球迷笑柄,網民留言:「你唔可以怪責車路士領隊,所有責任都喺保利身上,佢搞車路士當打遊戲機一樣,仲要預測車路士贏3比0,堅尷尬!」亦有網民安慰自己:「佢可能預測次回合嘅比數......」美國富商保利上年5月上任以來,不斷鬧出笑話,有傳佢曾經干涉前領隊杜曹排陣,但排錯一個4-4-3嘅12人陣式。
感謝您瀏覽東網。請按入詳細閱讀本網站所載之使用條款及細則私隱政策聲明,並須確定您同意接受有關條款及聲明的約束才可繼續瀏覽。