東網電視
更多新聞短片
(Getty Images)
足球博彩神器，每日重心提供盡在《彩報》：http://win.on.cc/football/
英格蘭中場新星祖迪比寧咸，係夏天轉會市場最大搶手貨，利物浦、曼聯、曼城、車路士等豪門都對佢極有興趣，不過呢場爭奪戰即將結束，據西班牙媒體同權威記者Romano消息，皇馬同祖迪比寧咸已達成個人協議，同多蒙特商討轉會費亦去到最後階段，有望極速成事。
西班牙《馬卡報》報道，皇馬早喺半年前已經密斟祖迪比寧咸，雖然佢哋開出人工唔及英超球會，但祖迪比寧咸就被皇馬嘅計劃打動，樂意成為莫迪歷接班人，雙方已經就轉會達成共識。皇馬上年亦係早早鎖定法國中場曹亞文尼轉會，今次照辦煮碗「先下手為強」。
轉會消息權威Romano亦證實：「皇馬好接近簽入祖迪比寧咸，斟介已進入最後階段，個人條件已經接近達成，皇馬同多蒙特已安排新一輪會面去落實轉會。」據報多蒙特叫價1.3億鎊(約12.84億港元)，而皇馬準備支付最高1.05億鎊(約10.37億港元)，消息人士稱雙方有信心喺中間數字達成協議。
