【香港足球明星選舉】「香港足球明星」‧後衞

2022至23年度「香港足球明星選舉」頒獎典禮，周二(23日)晚假九龍灣某大宴會廳舉行，「香港足球明星」‧後衞共有4位得獎者，分別為傑志後防老大哥艾里奧、標準流浪帶刀侍衞金旻奎、和富大埔後防定海神針加比爾，以及理文後防通天老倌徐宏傑。

徐宏傑早前曾外流中甲，直至近年才在港超站穩陣腳，對於生涯首次奪得最佳11人獎項，他坦言感到十分開心：「又無話遲左嘅，因為前季啱啱喺大陸返落嚟都要適應，上季又腰斬，今年係一個完整球季，好開心自己表現都穩定同唔錯，覺得係一個好大嘅肯定同推動力，自己會繼續努力追求進步，希望表現一季比一季好。」

同樣首次奪得最佳11人獎項的金旻奎（Kim），則指之前未試過出席類似場合，笑言今次屬於一個很好的經驗。Kim剛於流浪續約，將隨球隊出戰「亞冠盃」外圍賽，他表示賽前具備一定信心：「雖然球隊係第一次踢，但我覺得會有好成績，另外如果贏咗第一圈，第二圈將會對南韓球隊仁川聯，仁川係我家鄉，不過無關係，我點都會出盡全力，希望贏到佢哋。」

加比爾除了首次奪得最佳後衞外，更同時入選「香港足球先生」的最後3強，他表示十分開心，又指今個球季的確令自己印象深刻。對於來季目標，加比爾表示力爭繼續在港落班，並希望能夠有機會一嚐冠軍滋味。

至於第3次當選最佳十一人的傑志中堅艾里奧，承認年紀漸大下，要保持在高水平賽事比賽並非易事，但自己不會輕易放棄：「拎到呢個獎帶畀我好大動力，令我有信心應付傑志同港隊嘅連場激戰。我唔知仲有幾耐會退役，但我感覺自己仲可以踢出好表現。」