東網電視
更多新聞短片

麥巴比已返PSG報到。(PSG官方twitter圖片)
足球博彩神器,每日重心提供盡在《彩報》:http://win.on.cc/football/
今個夏天轉會市場其中一個重磅炸彈即將引爆,基利安麥巴比周一(17日)返巴黎聖日耳門(PSG)進行季前備戰,據報佢會同主席艾卡理化會面攤牌。據報PSG已定出7月31號續約死線,否則下月會將佢賣畀最高出價球會,但麥巴比就堅持會留隊,等下年約滿回復自由身。
麥巴比、尼馬等球星周一返PSG報到,準備即將展開嘅日本之旅,《天空體育》指PSG主席艾卡理化周二(18日)會向全隊演講,亦會係麥巴比發信通知球會拒絕續約後,同艾卡理化首次見面。西班牙傳媒指出,麥巴比已表明今季唔會離開,等下年約滿先至走人。
不過法國媒體透露,PSG將向麥巴比定出7月31日死線,如果佢唔喺今個月內落實續約至2025年,8月開始就會被賣去最高出價嘅球會,PSG多次強調唔會接受麥巴比免費離隊嘅情況出現。