添巴長抖7個月　ACL魔咒狂襲7球星

阿仙奴周三(16日)官方證實，新加盟後衞祖利安添巴右膝ACL(前十字韌帶)重傷，將會短期內進行手術，英國傳媒指呢位荷蘭國腳休養期長達7個月。連埋祖利安添巴，今個8月已有7個歐洲頂級聯賽球星因為ACL傷患長抖，認真慘情。

8月份歐洲各大聯賽開咧時間，「ACL魔咒」突然侵襲，比列安保路(摩納哥)、尼干古(車路士)、貝安迪亞(阿士東維拉)、泰拔高圖爾斯(皇家馬德里)、艾達米列達奧(皇家馬德里)、泰朗明斯(阿士東維拉)同祖利安添巴(阿仙奴)先後ACL重傷，全部都要休養至少半年。

對於咁多球星接連重傷，有球迷認為係美國嘅球場質素出現問題，因為除咗摩納哥之外，阿仙奴、車路士、阿士東維拉同皇家馬德里都喺季前去美國集訓，而尼干古喺美國踢熱身賽受傷嗰陣，就曾經有報道話球場草地情況差係原因之一。