東網電視
更多新聞短片
賴恩格雲貝治曾於阿積士同坦哈格合作過。(Getty Images)
曼聯今夏斥資6,000萬鎊(約6億港元)收購美臣蒙特，但呢位24歲英格蘭國腳表現令人失望，英國《太陽報》指紅魔鬼計劃再簽入中場，目標直指拜仁慕尼黑中場賴恩格雲貝治。
美臣蒙特成「魔」之後，角色非常尷尬，本身踢慣嘅位置同般奴費南迪斯有重疊，領隊坦哈格安排佢踢防中，但效果欠佳，為今之計，焗住要再簽入中場。
坦哈格之所以睇中賴恩格雲貝治，好大機會係由於兩人曾於阿積士合作過，坦帥非常熟悉對方踢法。呢位21歲荷蘭國腳上年夏天轉投拜仁慕尼黑，但不受重用，呢支德甲球隊願意以2,200萬鎊(約2.2億港元)出售佢，價錢並唔貴，據悉利物浦都有意收購賴恩格雲貝治，雙紅要拗一拗手瓜。
