東網電視
更多新聞短片
加拿祖疑似「踩爛」12碼的泥土。
曼聯門將奧拿拿今季成「魔」之後，頻頻犯錯，但今場歐聯卻勇救12碼，原來多得1位「幕後功臣」相助，從電視畫面見到，紅魔鬼翼鋒加拿祖疑似喺佐敦拿臣主射之前，「踩爛」12碼嘅泥土，可能因而影響佐敦拿臣射12碼嘅質素，曼聯球迷紛紛大讚呢位19歲阿根廷國腳醒目。
當時加拿祖企喺12點旁邊，地上白色粉末散開晒，明顯遭人故意「踩爛」，球迷同網民認為應該係加拿祖「做手腳」，勁讚佢叻仔：「加拿祖，我愛你。」、「你真係好聰明。」不過，始終手段比較低劣，賽後曼聯領隊坦哈格唔認係加拿祖做嘅好事：「我睇唔到，球證應該都睇唔到，我唔知。」曼聯3分已袋，估計賽會亦無法追究加拿祖。
