東網電視
更多新聞短片
基蘭泰亞尼有機會再戰英超。(Getty Images)
阿仙奴近期陷入左閘危機，烏克蘭左閘辛真高受傷，富安健洋又要離隊為日本出戰亞洲盃，據報阿仙奴正考慮緊急方案，唔排除提前回收外借皇家蘇斯達嘅基蘭泰亞尼救亡。
辛真高上場聯賽因傷缺陣，領隊阿迪達指佢小腿受傷需要進一步檢查。英國《太陽報》報道，如果檢查發現辛真高要休息一段長時間，喺富安健洋暫時離隊、祖利安添巴仍未復出兼積及基奧柯表現差勁下，阿仙奴會考慮回收基蘭泰亞尼。
26歲嘅基蘭泰亞尼喺辛真高加盟前，一直係阿仙奴正選，今季外借皇家蘇斯達曾經大腿受傷缺陣，但仍有8次西甲上陣同2次歐聯上陣紀錄。
