賽馬會菁英盃　冠忠南區深水埗再演地區打吡

周六(13日)香港仔運動場上演「菁英盃」A組地區打吡，冠忠南區與深水埗本季第4次交手。南區往績佔上風，惟深水埗曾於「足總盃」淘汰對手，今番再遇惡鬥在所難免。（周六下午3時開賽）

楊正光：對手飄忽更要小心

兩軍之前3度碰頭，南區錄2勝1負，主教練楊正光認為彼此「熟晒路」，叫球員謹記「足總盃」被對方淘汰的教訓。「光Sir」指深水埗近期演出略見飄忽，惟今場絕不能掉以輕心：「佢哋最近唔太穩定，但正因為咁，可能突然間踢番場爭氣波都唔定，而且我哋喺『足總盃』輸過畀佢哋，唔可以大意。」陣容方面，新兵梁祐維未能趕及註冊，基斯亦累積5面黃牌要停賽。

分組賽仍未「開齋」的深水埗，主教練陳浩然上任後第3次帶隊與南區交手，他認為雙方已非常了解對方，希望球員在比賽中展現訓練成果：「南區有幾位球員要踢港隊，實力會弱咗，但平均人腳依然比我哋好，希望我哋球員做到我嘅戰術要求。」此外球會周四公布與鄧港桁達成解約協議。