烏甸作客腳軟 祖記爭氣波撐讓主
2024年02月12日 18:02
東網電視
更多新聞短片
祖雲達斯近12場主場賽事有10勝2和。(Getty Images)
星期二(13日)凌晨意甲獨腳戲，祖雲達斯主場迎戰烏甸尼斯。祖雲達斯上場榜首大戰輸畀國際米蘭，令爭標形勢陷於被動，為保奪冠希望唔可以再有差池，今仗藉主場之利必定大踢翻身仗，有望大勝一場，讓球主勝值得捧場。(Now 638周二凌晨3時45分直播)
祖雲達斯今季全面回勇，成為國際米蘭最大挑戰者，佢哋主場成績非常突出，近12場主場賽事有10勝2和佳績，對上4場主場更連場大勝，有3場贏3球或以上，霸氣十足。塞爾維亞前鋒杜辛華荷域傷愈有望復出，波蘭射手米利克亦波監期滿，祖雲達斯鋒線如虎添翼。
烏甸尼斯近況差勁，近5場聯賽作客2和3負未響勝鼓，當中對阿特蘭大、國際米蘭同羅馬都輸多過1球，今仗更有阿根廷中場發電機羅拔圖佩雷拉停賽，實力大打折扣，對住主場威力十足嘅祖雲達斯，大敗唔令人意外。
更多賠率：