東網電視
更多新聞短片
羅拔利雲度夫斯基近期狀態大勇。(Getty Images)
波蘭前鋒羅拔利雲度夫斯基季初狀態低迷，35歲嘅佢被質疑已經「過氣」，不過踏入2024年後重新上力，近9場比賽攻入7球，喺歐聯8強、西甲直路同歐國外附加賽嘅關鍵時刻爆發，對巴塞隆拿同波蘭都係大喜訊。
正為波蘭備戰對愛沙尼亞嘅「羅拔仔」表示：「聖誕節嗰陣我同家人傾過好多問題，我知道自己有咩要改善、有咩做得唔好，所以改變咗訓練模式，更加集中個人嘅狀態，依家我感覺非常好，球隊亦都得益。我嘅助攻數字有所增加，但我要重申，入波對我嚟講先係最重要。」
對於歐國盃附加賽生死戰，「羅拔仔」就充滿信心：「我好肯定波蘭一定會出戰夏天嘅決賽周，無論如何依家要先贏第1場(對愛沙尼亞)，決賽再搶出線資格。」波蘭如果擊敗愛沙尼亞，決賽會對威爾斯或者芬蘭。
