東網電視
更多新聞短片
伊巴希馬干拿迪睇日本漫畫提升戰意。
利物浦法國中堅伊巴希馬干拿迪表示，自己係日本漫畫擁躉，每次比賽前都會翻睇戰鬥內容嘅漫畫，佢話咁做可以幫自己嘅鬥志燃燒起嚟。
呢位24歲中堅笑言：「每次睇漫畫，隊友都會笑我：『咁大個人仲睇呢啲？』但佢哋唔明白，日本漫畫不但畀我娛樂，仲每日激勵我，佢哋帶出好多唔同信息，喺重要比賽前，我會睇戰鬥類嘅場面，令我更有決心同力量。」
有網友發現，伊巴希馬干拿迪不時會喺球場上模仿動漫人物嘅經典動作，慶祝贏波及捧盃。
伊巴希馬干拿迪2021年由RB萊比錫轉投利物浦，轉會費3,600萬鎊，至今第3季上陣85場入3球，贏過2次英聯盃及1次英足盃。
