賽馬會菁英盃　首任隊長感壓力　陳晉一：責任更大

傑志周日（24日）於「賽馬會菁英盃」B組最後一戰，以3比1擊敗理文，鎖定4強席位。其中首次為傑志戴起隊長臂章的陳晉一，就承認感受到今場要肩負更大責任，更因此感到緊張，早前傷愈復出的「一仔」，亦表示正努力重拾比賽狀態。

在旺角大球場比賽，對已累積一定出場經驗的陳晉一並不陌生，惟今場首次戴起傑志隊長臂章，「一仔」承認難免感到緊張：「本身自己踢比賽都冇乜嘢，嚟到球場見到出場名單，知道『阿Kim』（傑志暫代主教練金東進）要我做隊長，就開始緊張。」他解釋會緊張，是因為知道多了一份責任：「隊長唔止係落場踢，仲係球隊嘅榜樣，要幫到隊友，仲要兼顧教練同球員之間嘅溝通，始終傑志係一間大會，自己第一次（做隊長）係多咗啲責任。」

年初有份隨港隊出戰亞洲盃決賽周的「一仔」，早前傷愈復出，惟未有入選本月港隊決選名單，是日在下半場被調離場的「一仔」，也談到狀態恢復的情況：「球感慢慢返緊嚟，但始終太耐冇踢，對比賽感覺係差少少，體能未去到十足，尤其今日好熱，各方面都要再提升。」