東網電視
更多新聞短片
菲臘比古天奴以借用身份重返母會華斯高。
近年淪為「人球」嘅菲臘比古天奴又有新去向，以借用身份重返巴甲，加盟母會華斯高，為期1季，將會着11號球衣，同前韋斯咸中場皮耶做隊友，組成「英超黃金中場拍檔」。
菲臘比古天奴2018年由利物浦轉投巴塞隆拿之後，事業不斷走下坡，曾被外借去拜仁慕尼黑、阿士東維拉，雖然2022年夏天獲維拉買斷，但演出仍然冇起色，總共上陣43場入6球，期間甚至被外借去卡塔爾球隊艾杜哈尼。
維拉主帥艾美利明顯無意再起用呢位32歲巴西老將，今次將佢外借去華斯高，古天奴重返母會之後話：「感覺好開心，我喺海外生活一段長時間，依家真正感受到回家喜悅，家人朋友都為我重返巴西感到高興。」值得一提，華斯高上年夏天簽入前法國國腳皮耶，現時加上菲臘比古天奴，令球隊星味大增，2人合作值得令人期待。
