阿仙奴12碼贏般尼茅夫　新人搶晒鏡

阿仙奴周四(25日)朝早進行美國之旅首站賽事，同般尼茅夫踢成1比1平手下，最終憑互射12碼贏5比4。阿仙奴今場陣容不整，不過一眾新人表現搶鏡，17歲中場華拿利同22歲門將海恩最受注目。

布卡約沙卡、夏維斯、迪格蘭賴斯等歐國盃國腳未歸隊下，今仗起用唔少新人，包括17歲翼鋒華拿利，呢位英超史上最年輕球員侵略性強，多次個人表現式突破，阿仙奴18分鐘由法比奧韋拉先開紀錄。

下半場兩隊更換多人，般尼茅夫搶返唔少攻勢，73分鐘由安東尼施美安追平。阿仙奴嘅愛沙尼亞門將海恩屢救險球，勇救單刀之外，互射12碼更2度撲出射門，助阿仙奴12碼贏5比4。