東網電視
更多新聞短片
蘇亞雷斯舉行記者會公布決定。(Getty Images)
現年37歲嘅烏拉圭前鋒蘇亞雷斯宣布，踢完香港時間周六(7日)早上世界盃外圍賽主場對巴拉圭之後，就會退出國家隊，結束17年大國腳生涯，專心為美職球隊國際邁亞密比賽。
蘇亞雷斯舉行記者會公布決定：「嚟緊對巴拉圭，將會係我最後1次代表國家隊比賽，我一直考慮緊退出國際賽舞台，依家係時候落實，我會以2007年首次踢國家隊嘅熱情，踢今場賽事。」
蘇亞雷斯至今為烏拉圭國家隊上陣142場，合共射入69球及39次助攻，屬於烏拉圭國家隊史上最多入波球員，亦係第2多上陣球員，僅次於高甸(161次)。蘇亞雷斯喺國際賽最威水係協助烏拉圭奪得2011年美洲國家盃冠軍。
