【女子世青盃】北韓奧地利勢演入球騷
2024年09月12日 17:00
東網電視
更多新聞短片
北韓女足U20分組賽3戰全勝。
女子世青盃16強賽事，今屆表現突出嘅北韓女足U20，將會對撼奧地利女足U20。北韓喺分組賽3戰全勝，而且火力好得人驚，3場比賽轟入17球；奧地利都係擅攻球隊，兩軍今場火拚勢必多波入，一於用中位數2.5球入球大做過關變倍器！（HOY TV 76台周五清晨5時30分直播）
其實北韓喺女子世青盃一向有唔錯成績，上屆因為退賽先冇份踢，但之前7屆最渣都入到8強，拎過兩屆冠軍同1屆亞軍。今屆佢哋相隔8年再度參戰，分組賽贏晒顯示實力，而且有6比2炒阿根廷女足U20、9比0數哥斯達黎加女足U20嘅驚人賽果，火力相當恐怖，近5場比賽有4場總入球開3球或以上。
奧地利上場吞日本女足U20兩蛋，以小組次名出線，佢哋實力比上不足、比下有餘，而且有一定進攻能力，頭兩輪贏加納女足U20同新西蘭女足U20都好對辦，預計今場亦會嘗試進攻，同北韓駁火，開「大」機會高。
更多賠率：