東網電視
更多新聞短片
比真歷(左)同莫斯科中央陸軍簽約1年。
俄超球隊莫斯科中央陸軍正式簽入自由身嘅前巴塞隆拿中場比真歷，雙方簽約1年，佢將會着15號球衣。呢位34歲波斯尼亞國腳2年前曾因不滿俄羅斯入侵烏克蘭，拒絕為國家隊出戰熱身賽對俄羅斯，估唔到現時「打倒昨日的我」，去俄超搵食。
比真歷曾經效力里昂、羅馬、祖雲達斯、巴塞隆拿等大球會，4年前由祖記轉投巴塞，當時轉會費高達6,000萬歐元(約5.2億港元)，但表現令人失望，僅1季就被外借去比錫達斯，2年前轉投阿聯酋球隊沙迦，今夏離隊後，一直冇班落，最終向現實低頭，加盟「敵人」莫斯科中央陸軍，被網民嘲諷做人冇原則，冇骨氣。
比真歷今次僅簽1年約，如果交唔出表現，恐怕下季連俄超都冇得踢。
