又多個免役！阿密特迪亞路請病假提早返曼聯

曼聯喺國際賽期出現「傷病潮」，繼阿歷真度加拿祖、明奈同馬沙拉奧後，翼鋒阿密特迪亞路亦報稱病咗，退出科特迪瓦國家隊，提前返曼徹斯特養病。

科特迪瓦將會喺非國外兩鬥塞拉里昂，不過22歲嘅阿密特迪亞路歸隊後，周四(10日)宣布因病退隊。科特迪瓦目前喺G組2戰全勝排榜首，出線應該冇太大難度。

22歲嘅阿密特迪亞路今季受坦哈格重用，7場聯賽踢咗6場兼有4次正選，交出1入波同1助攻成績，依家佢可以提早返英，曼聯4大翼鋒拉舒福特、阿歷真度加拿祖、安東尼馬菲奧斯斯同阿密特迪亞路全部國際賽免役。