金球奖畀云尼斯奥斯定洛迪？艾达臣拣咗佢！

备受注目嘅金球奖选举今个月底举行，今届两大热门分别系巴西前锋云尼斯奥斯祖利亚，以及西班牙中场洛迪卡斯简迪，同两人分别系国家队同球会队友嘅艾达臣摩拉斯，日前就公开支持云尼斯奥斯得奖。

艾达臣接受巴西《TNT Sports》访问，对呢个“手掌系肉、手背又系肉”嘅问题，毫不避讳直接回应：“我支持云尼斯奥斯，佢上季所做嘅事值得得奖，睇下佢赢嘅锦标、交出嘅入球同助攻......我撑云尼斯奥斯，无论佢同洛迪边个攞奖都系实至名归。”

云尼斯奥斯上季带领皇家马德里赢欧联同西甲冠军，各项赛事39次上阵，交出24个入波同11次助攻；至于洛迪就协助曼城赢英超冠军，夏天又帮西班牙赢欧国杯冠军，战绩同样辉煌。