东网电视
更多新闻短片
英超李斯特城主场迎战诺定咸森林。
1/2
英超独脚戏，李斯特城主场迎战诺定咸森林。由葡萄牙领队纽奴带领嘅森林，今季表现令人眼前一亮，依家排喺联赛前半版，最大原因系作客成绩极佳，今季作客仍未输过波，要喺实力普通嘅李斯特城身上拎3分唔难，上盘让平半值博。（Now 621周六凌晨3时直播）
李斯特城近期连赢般尼茅夫同修咸顿，暂时逃离降班漩涡，领队谷巴今场倒戈相向，料会抢攻力求胜仗，不过面对擅长打反击嘅森林未必上算，而且中场咸沙祖靴里养伤，中场力量受到削弱，对住充满活力兼且抢得嘅森林中场，难免会被比下去。
另边厢，森林有赫臣奥杜尔同艾兰加两大突击高手，作客比赛往往大派用场，亦系森林作客成绩突出嘅最大原因。连同上季尾，森林近6场英超作客有4胜2和，今季试过作客1比0赢利物浦，又试过1比1打和车路士，今仗要赢波并冇难度，上盘值得捧场。
更多赔率：
