東網電視
更多新聞短片
皇馬賽前向球證馬天尼斯施壓。
星期日(27日)凌晨西甲「國家打吡」，賽會安排41歲球證馬天尼斯執法，皇家馬德里賽前就出招，喺球會官方電視台製作「馬天尼斯誤判合集」，列出佢過往執法皇馬嘅不利判決，明顯係向球證施壓。據報西班牙足總已展開跟進，但未有任何行動。
據西班牙《阿斯報》報道，馬天尼斯過往執法過6次「國家打吡」，皇馬同巴塞隆拿各贏3場，睇落冇偏向任何一方，但皇馬電視台就製作影片，播出馬天尼斯上季對皇馬多次作出不利判決，包括對馬體會一仗3度「漏判」12碼，當時皇馬電視台已經唔客氣咁攻擊：「馬天尼斯，你夜晚瞓唔瞓得着？」
影片同時指出，皇馬喺馬天尼斯執法賽事，勝率係偏低嘅61%，相反巴塞喺佢執法嘅比賽，有高達76%勝率。皇馬向球證施壓嘅做法引起唔少爭議，不過西班牙足總未有作出制止，所以皇馬亦冇打算將影片下架。
