東網電視
更多新聞短片
馬菲斯迪歷特加盟後表現不穩。(Getty Images)
魯賓艾摩廉落實成為曼聯新帥後，佢用開嘅3-4-2-1陣式，預計亦會移植「紅魔鬼」，荷蘭名將史譚日前表示，今夏加盟嘅中堅馬菲斯迪歷特，將會喺艾摩廉嘅新陣式入面大放異彩。
史譚表示：「艾摩廉嚟到後，我相信迪歷特前途會一片光明！如果艾摩廉踢3中堅，迪歷特肯定會係主力，佢可以勝利右中堅或者正中路，有好大發揮空間。迪歷特本身好有能力，亦有能力繼續進步，依家只係爭啲穩定性同信心，隨住時間就會愈嚟愈好。」
曼聯目前中堅人手眾多，預計約羅、馬菲斯迪歷特同利辛度馬天尼斯係3中堅正選，哈利馬古尼、域陀連迪路夫同莊尼伊雲斯就係替補，有足夠人腳應用艾摩廉嘅3中堅踢法。
