東網電視
更多新聞短片
域陀連迪路夫踢到26分鐘受傷退下火線。(Getty Images)
曼聯中堅域陀連迪路夫今季受傷患問題困擾，僅為紅魔鬼上陣4場英超，原本以為幫瑞典踢歐國聯，可以提升狀態，點知事與願違，再次受傷，恐怕將缺陣一段時間，令足球事業雪上加霜。
瑞典上場歐國聯以2比1擊敗斯洛伐克，域陀連迪路夫擔任正選，但踢到26分鐘就受傷退下火線，並且需要2位軍醫扶住離場，睇來情況唔多樂觀。
域陀連迪路夫近年先後出現腹股溝、腿筋、腳趾受傷，將接受進一步檢查，以確定今次傷勢及需要抖幾耐。域陀連迪路夫將於明夏約滿，曼聯無意同佢續約，早前傳出AC米蘭有意簽佢，但呢位「玻璃腳」今次又受傷，可能令AC米蘭卻步。
