東網電視
更多新聞短片
賓迪禾基奧曾因打假波被停賽。
意大利球壇出現罕見一幕，老牌球會皮亞琴察周二(19日)宣布賓迪禾基奧出任教練，不過佢只係主持咗一課操練，隨即被皮亞琴察炒魷，上任同被炒都喺同一日發生，認真神奇！
目前踢緊丁組嘅皮亞琴察，周二先將總監炒魷，新總監上場後立即換帥，宣布由39歲嘅賓迪禾基奧接任，不過呢位前意大利U21國腳，喺2011年曾經因打假波被停賽13個月，大批球迷對佢嘅上任非常不滿，喺佢第1課操練就喺場外發起抗議，結果皮亞琴察喺同日較後時間發聲明：「球會宣布同賓迪禾基奧達成解約協議，羅仙尼將會成為新教練。」
皮亞琴察有超過100年歷史，90年代曾經踢過5年意甲，而且培育出恩沙基、施蒙尼恩沙基、基拿甸奴等意大利名將，但依家淪落到踢丁組，管理層嘅責任好大。
