東網電視
更多新聞短片
臨完場前伊高沙托尼為大埔「埋齋」。（文嘉靖攝）
1/3
「賽馬會菁英盃」周日（15日）尾場上演A組出線關鍵大戰，最後大埔以3比0擊敗傑志，升上A組榜首兼提早出線4強，入球功臣之一的伊高沙托尼賽後大讚隊友發揮出色，又認為今場勝仗提振到球隊士氣及個人信心。
作為出線關鍵一役，「倒戈」的伊高沙托尼貢獻1入球1助攻，「伊高」表示滿意今場的表現：「上兩場對住北區同港會表現得麻麻，但今日我哋發揮配合得好出色，尤其是面對傑志咁強勁嘅對手，都創造咗唔少埋門機會，可能呢場係我哋開季以嚟踢得最好嘅一場波之一！可以贏到呢場咁關鍵嘅比賽係好重要，亦都令球隊攞番信心去應付晉級賽。」
大埔將會於最後一輪分組賽迎戰港會，「伊高」坦言與上季比較，本賽季個人入球數不多，但仍希望能繼續幫助球隊：「今季我入波唔算多，但無論係入波定同助攻我都會盡全力，為隊友創造入球機會。我相信只要努力同積極參與進攻，入波嘅機會自然就會嚟。」
（文嘉靖攝）
（文嘉靖攝）
