東網電視
更多新聞短片
菲爾科頓今季英超仲未入過波。(Getty Images)
曼城喺英超1比2輸畀曼聯後，近11場比賽只係贏1場，有8次輸波紀錄，上季囊括英超最佳球員、英格蘭足球先生嘅菲爾科頓，自夏天歐國盃開始狀態出現斷崖式下滑，呢位中場承認曼城有「心理危機」。
菲爾科頓表示：「我對戰果好失望，領先1球後已經控制戰局，畀人追平1比1係有可能，但唔應該再輸多球。我哋唔習慣喺短時間內輸咁多比賽，最初輸波嗰陣係冇問題，但當你不斷咁輸，就會出現心理危機，困難時刻我哋要更加團結。」
要數曼城最大心理危機嘅球員，菲爾科頓可能係代表，佢上季英超有19個入波，不過今個夏天歐國盃，為英格蘭7次上陣0入球0助攻，今季英超11場聯賽亦得0入球1助攻，唯一助攻仲係靠開角球，貢獻之低令球迷失望。
