東網電視
更多新聞短片
加度素為慈善轉形象。
1/2
曾協助意大利贏得2006年世盃冠軍嘅名將加度素，一直以來都係以滿臉鬍鬚造型出現，不過最近佢為一個慈善活動籌款，不惜將招牌鬍鬚剃晒，以「青靚白淨」新形象亮相後，連球員都話認佢唔到！
46歲嘅加度素，今個夏天執教克羅地亞勁旅夏德，佢過去22年都係「鬍鬚佬」形象，最近佢為一個男士健康嘅慈善組織籌款，用剃鬚換嚟1萬歐元善款。冇晒鬍鬚嘅加度素，唔單止球迷認佢唔到，就連夏德球員都話以為有個新教練嚟到訓練場！
加度素表示：「我已經做好心理準備，呢幾日我用嘅面霜，多過晒我成世人用嘅份量，你哋依家見到嘅唔係加度素......不過鬍鬚係可以生番出嚟嘅！」加度素更承諾，如果夏德今季可以贏得克羅地亞聯賽冠軍，佢會再剃多一次鬚！
加度素。
