東網電視
更多新聞短片
紐奴文迪斯阿歷山大(右)獲PSG全力挽留。(Getty Images)
曼聯領隊魯賓艾摩廉一直希望簽入1位左後衞，並睇中巴黎聖日耳門(PSG)嘅紐奴文迪斯阿歷山大，呢位22歲葡萄牙國腳曾拒絕續約，但最新消息指佢轉軚希望留隊，打亂魯賓艾摩廉增兵計劃。
紐奴文迪斯阿歷山大剩下1年半合約，加上佢同魯賓艾摩廉曾於士砵亭合作過，雙方眉來眼去，盛傳曼聯準備簽入呢位左閘。不過，根據法國《隊報》最新爆料，PSG向紐奴文迪斯阿歷山大開出新續約條件，已滿足到佢要求，加上教練安歷基表明會重用佢，令文迪斯改變主意，決定續約留隊。
巴黎聖日耳門喺周日(19日)凌晨法甲，憑巴特利巴高拿入1球及1次助攻，作客以2比1反勝朗斯，紐奴文迪斯阿歷山大以正選踢足全場。
雖然魯賓艾摩廉簽唔到紐奴文迪斯阿歷山大，但仍然決定放走隊內左後衞杜維爾馬拉西亞，只要有球會願意接收佢，就會外借呢位25歲荷蘭國腳。
