東網電視
更多新聞短片
蘇斯克查出山有個好開始。
曼聯名宿蘇斯克查螫伏多年後出山，周三(22日)歐霸盃首度帶領比錫達斯出戰，即喺主場4比1大破西甲勁旅畢爾包，重燃出線希望。
比錫達斯喺頭6輪只得2和4負，蘇斯克查上周被任命為教練後，今場首演即脫胎換骨，射手拉舒卡梅開二度，加上拉法施華同祖奧馬里奧建功，大勝4比1振聲威。
蘇斯克查賽後表示：「呢個係非常好嘅開始，好高興見到球員為大家而戰鬥，我上任第1年事就係幫球員提升信心，足球好講究感覺良好，所以今場一切都好順利。」
蘇斯克查自2021年11月離開曼聯後，一直未有執教任何球隊，佢自爆執教比錫達斯其中一個原因，係球會喺1903年3月3日創會，而佢囡囡就係100年後嘅2003年3月3日出生，非常「有緣」。
